Memleket basshysynyń tapsyrmasy boıynsha «Taza Qazaqstan» bastamasy aıasynda 2027 jylǵa deıin 2 mlrd aǵash otyrǵyzý jumystary júrgizilýde, dep habarlaıdy aqshamnews.kz
Búgingi tańda ekologıa jáne tabıǵı resýrstar mınıstriniń málimetinshe, memlekettik orman qory aýmaǵynda 1,3 mlrd kóshet otyrǵyzyldy, onyń ishinde Aral teńiziniń qurǵaǵan tabanyna 48,7 mln sekseýil kósheti otyrǵyzyldy.
Sonymen qatar, eldi mekender aýmaǵynda 15 mln aǵash otyrǵyzý boıynsha tapsyrma oryndaldy.
2024 jyldan bastap orman melıorasıalyq jumystardyń edáýir kólemi iri kompanıalardyń qatysýymen búdjetten tys qarajat esebinen júzege asyrylýda. Jersinýi men ómirsheńdik deńgeıi joǵary sapaly otyrǵyzý materıalymen qamtamasyz etý maqsatynda orman tálimbaqtaryn qurý jumystary júrgizilýde.
Qazaly qalasyndaǵy 33 gektar alańda qýattylyǵy jylyna 3 mln kóshet bolatyn orman tálimbaǵynyń qurylysy aıaqtaldy. Bıyl aýdany 15 gektar jańa tálimbaqty jobalaý boıynsha jumystar júrgizilýde, sondaı-aq orman melıorasıalyq jumystarmen aınalysatyn qyzmetkerler úshin óndiristik modýlderdi jetkizý júzege asyryldy.