«Taza Qazaqstan» respýblıkalyq aksıasy aıasynda Almaty qalasynyń komúnıtı - ortalyqtarynda jastardyń nazaryn qorshaǵan ortany qorǵaýǵa jáne lastanýdy azaıtý máselelerine aýdarý úshin birqatar is-sharalar ótýde, dep habarlaıdy almaty-akshamy.kz
- «Beıbitshilikti saqtaıyq» taqyrybyndaǵy dóńgelek ústel - bul is-shara ekologıalyq jaýapkershiliktiń mańyzdylyǵyn jáne ony júzege asyrý joldaryn talqylaýǵa arnalǵan alań. Qatysýshylar ekologıa salasyndaǵy óz ıdeıalarymen, tájirıbelerimen bólisýge, sondaı-aq aǵymdaǵy máseleler men yqtımal sheshimder týraly habardar bolýǵa múmkindik aldy. Atalǵan is-shara Túrksib aýdanynyń komúnıtı ortalyǵynda ótti.
- «ECO TIME» taqyrybyndaǵy master-klass – shyǵarmashylyq arqyly ekologıalyq sanany damytýǵa baǵyttalǵan. Qatysýshylar qol jetimdi materıaldardy paıdalana otyryp, ózderiniń ekologıalyq taza jobalary men ónimderin jasaı aldy. Atalǵan is-shara Áýezov aýdanynyń komúnıtı ortalyǵynda ótti.
- Medeý aýdanynyń komúnıtı ortalyǵynda óner arqyly mańyzdy ekologıalyq problemalarǵa nazar aýdarý maqsatynda kreatıvti jastardy jınaǵan «Jasyl qala óneri» atty jarqyn joba ótti. Jobaǵa qatysýshylar ózderiniń talanttary men bolashaqqa degen kózqarastaryn kórsete otyryp, ekologıa taqyrybynda ózderiniń kórkem týyndylaryn jasady. Jasalǵan jumystar kórmesi ıdeıalarmen bólisýge jáne kelýshilerdi áreketke shabyttandyrýǵa tamasha múmkindik boldy.
- Bostandyq aýdanynyń komýnaldyq ortalyǵynda qoqysty suryptaý boıynsha eko-aksıa uıymdastyryldy, onda 35-ten astam adam tazalyq pen ekologıalyq jaýapkershilikke qatysty óz oılaryn aıtty.
Aksıaǵa qatysýshylar kúni boıy plasık, makýlatýra, alúmını jáne shyny jınaıtyn arnaıy 3 eko-boksta 50 kg-nan astam qoqys jınady.