"Marat Ospanov atyndaǵy Batys Qazaqstan medısına ýnıversıteti" KEAQ basqarma tóraǵasy – rektor Áset Qalıevti seısenbi kúni oblystyq "Antıkor" jedel ýákilderi ustady, dep habarlaıdy almaty-akshamy.kz
28 mamyrda Qalıevtiń úıinde tintý júrgizilgen. Bizdiń derekterimiz boıynsha, bul is paraqorlyqqa qatysty. Oblystyq Sybaılas jemqorlyqqa qarsy is-qımyl agenttigi men prokýratýra bul máselege ázirge túsinikteme bergen joq.
Áset Qalıev 2014-2020 jyldary Aqtóbe oblysy ákimdiginiń densaýlyq saqtaý basqarmasynyń basshysy qyzmetin atqardy. 2020 jyldyń shilde-qyrkúıek aılarynda Jambyl oblysy ákiminiń densaýlyq saqtaý máseleleri jónindegi keńesshisi boldy. Sol jyldyń qyrkúıeginen bastap Jambyl oblysynyń densaýlyq saqtaý basqarmasyn basqardy. 2022 jyldyń qyrkúıeginen bastap Á.Qalıev M.Ospanov atyndaǵy Batys Qazaqstan medısına ýnıversıtetiniń rektory qyzmetin atqaryp keledi.