Almatyda respýblıkalyq «Taza Qazaqstan» baǵdarlamasy jáne «Almaty – bizdiń ortaq úıimiz» qalalyq jobasy aıasynda ekologıalyq jaǵdaıdy jaqsartýǵa jáne megapolısti kógaldandyrýǵa baǵyttalǵan aýqymdy ekoaksıa ótti. «Jarqyn kúz» atty naýqan qaladaǵy 8 aýdannyń turǵynyn biriktirip, kóshe tazalaý men aǵash otyrǵyzý jumystarynda belsendi qatysty, dep habarlaıdy aqshamnews.kz.
Almaly aýdanyndaǵy Mahatma Gandı atyndaǵy saıabaqtyń mańynda tańerteńnen bastap keremet atmosfera ornady. Jaqyn mańdaǵy úılerdiń turǵyndary shuńqyr qazyp, túsken japyraqtardy jınap, kóshet otyrǵyzdy. Kóptegen adamnyń balalarymen kelgeni kóńilge qýanysh syılaıdy, óıtkeni bul ekologıalyq dúnıetanymdy qalyptastyrý turǵysynan mańyzdy.
Tastak-2 shaǵyn aýdanynda qaladaǵy kolejderdiń oqytýshylary men stýdentteri belsendilik tanytty.
- Búgin biz elýge jýyq alma jáne shaǵan kóshetin otyrǵyzdyq. Barlyq stýdent osy aksıaǵa qýana qatysty. Olar Almatynyń sulýlyǵy men bolashaǵyna úles qosýdyń mańyzdylyǵyn jaqsy túsinedi. Jastardy mundaı is-sharalarǵa turaqty túrde tartý qajet dep esepteımin, sebebi bul olardyń taza ári jasyl megapolıste ómir súrýdiń jaýapkershilik sezimin qalyptastyrady, - dedi oqytýshy Tolqyn Toqtarhanqyzy.
Almatybasjospar ǵımaratynyń mańynda da jumys qyzdy. Eger jyl basynda Bostandyq aýdanynda 6 myń kóshet otyrǵyzý josparlansa, aýdan turǵyndary men kásipkerlerdiń qoldaýymen bul kórsetkish 15 myńnan asty!
Atalǵan aýdan turǵyndary men ekobelsendiler Gagarın býlvaryn retke keltirdi. Aksıaǵa memlekettik, qoǵamdyq, ekologıalyq jáne bilim berý uıymdarynyń 250-den astam ókili, sondaı-aq qala turǵyndary qatysty. Qoqys jınaýmen qatar, serýendeý joldary men aleıalardaǵy qorshaýlar, oryndyqtar jáne basqa da jabdyqtar boıaldy.
Ekobelsendi, aýdan turǵyny Radmır Zeınýllın jalpy qalalyq qoqys jınaý aksıalaryndaǵy tájirıbesi týraly aıtyp berdi.
- Men senbilikke úshinshi ret shyǵyp turmyn. Búgin eki aǵash otyrǵyzdym. Qalanyń tazalyǵyna úles qosqandy unatamyn, óıtkeni osynda óstim. Qalanyń damýy árqaısymyzǵa baılanysty dep sanaımyn. Osyndaı aksıalarǵa jıi shyǵaıyq! - dedi Radmır.
Naýryzbaı aýdanynda aksıaǵa jergilikti ákimdik, densaýlyq saqtaý jáne bilim berý salasynyń qyzmetkerleri, jastar men ardagerler t.b. 250 adam qatysty. Tanymal Saq qorǵandarynyń aınalasyndaǵy alańda 200 kóshet otyrǵyzyldy. «Alma Sıtı» turǵyn úı kesheniniń mańynda 400 kóshet, Alataý dańǵyly boıynda taǵy 100 kóshet otyrǵyzyldy. Olardyń arasynda qaraǵash, sánaǵash jáne shaǵan bar.
Sonymen qatar, aksıaǵa qatysýshylar 300 tekshe metr qoqys shyǵardy.
Qala turǵynynyń biri Aınur atap ótkendeı, «árbir adam Almatynyń tazalyǵyn jáne sulýlyǵyn saqtaý úshin úlesin qosýǵa tıis». Al taǵy bir turǵyn Oljas mundaı is-sharalarǵa qalys qalmaýdyń óte mańyzdy ekenin aıtty.
- Tek birigip, barlyǵyna jaıly ári taza orta qura alamyz, — dedi ol.
Naýryzbaı aýdanynda osyndaı sharalardyń apta saıyn ótetinine nazar aýdarý kerek.
Alataý aýdanynda senbilikke 3 myńnan astam qatysýshy jınaldy. 6 gektar aýmaqta — ALA parki men Jańa Saın kóshesiniń boıynda 2100 aǵash otyrǵyzyldy. Olaradyń arasynda sánaǵash, shaǵan jáne qaraǵan bar. 540 tekshe metr qoqys shyǵaryldy. Bul jumystar úshin 42 birlik arnaıy tehnıka qoldanyldy.
Aksıaǵa Qazaqstannyń halyq artısi, kompozıtor Altynbek Korazbaev jáne áni Abaı Begeı de qatysty. Artıser turǵyndardy tek senbilik kúnderi ǵana emes, únemi tazalyqty saqtap, qalany aıalaýǵa shaqyrdy.
Áýezov aýdanynda ekologıalyq aksıaǵa 500-den astam adam qatysty. Jalpy 500-ge jýyq aǵash kósheti otyrǵyzyldy. Bul jumystarǵa 22 birlik tehnıka tartyldy.
Aıta ketý kerek, ekologıalyq aksıaǵa 10 myńnan astam qala turǵyny qatysyp, 300-den astam arnaıy tehnıka jáne 1755 komýnaldyq qyzmetkerler jumyldyryldy. Qalanyń ár jerinde 10 myńnan astam kóshet otyrǵyzyldy, onyń ishinde 1200 kóshet Alataý aýdanyndaǵy jańa ALA parkinde otyrǵyzyldy.
