Almaly aýdanynda, Mahatma Gandı atyndaǵy saıabaqta tańerteńnen bastap jaqyn mańdaǵy úılerdiń turǵyndary, túrli uıymdardyń ókilderi shuńqyr qazyp, túsken japyraqtardy jınap, kóshetter otyrǵyzdy.
Tastaq-2 shaǵyn aýdanynda birqatar qalalyq kolejdiń oqytýshylary men stýdentteri 50-ge jýyq alma jáne shaǵan kóshetterin otyrǵyzdy.
Almatybasjospar ǵımaratynyń janyndaǵy alańda osy aýdanda ornalasqan turǵyndar, kásipkerler men kompanıalardyń qyzmetkerleri de jańa kóshetter otyrǵyzdy. Jyl basynan beri olardyń sany 15 myńnan asty.
Bostandyq aýdanynda qala turǵyndary, onyń ishinde ekobelsendiler Gagarın býlvaryn retke keltirdi. Aksıaǵa qoǵamdyq, ekologıalyq jáne bilim berý uıymdarynyń 250-den astam ókili, sondaı-aq turǵyndar qatysty. Qoqys jınaýmen qatar, serýendeý joldary men aleıalarda qorshaýlar, oryndyqtar jáne basqa da jabdyqtardy boıaý jumystary júrgizildi.
Naýryzbaı aýdanynda aksıaǵa 250 adam qatysty: jergilikti ákimdik, densaýlyq saqtaý jáne bilim berý salasynyń qyzmetkerleri, jastar men ardagerler. Saq qorǵandarynyń aınalasyndaǵy alańda 200 kóshet otyrǵyzyldy. «Alma Sıtı» turǵyn úı kesheniniń mańynda 400 kóshet, Alataý dańǵyly boıynda taǵy 100 kóshet egildi. Otyrǵyzylǵan túrlerdiń arasynda qaraǵash, sánaǵash jáne shaǵan bar. Sonymen qatar, aksıaǵa qatysýshylar 300 tekshe metr qoqys shyǵardy.
Alataý aýdanynda senbilikke 3 myńnan astam adam qatysty. 6 gektar aýmaqta, ALA saıabaǵynyń aýmaǵynda jáne Jańa Saın kóshesiniń boıynda 2100 aǵash otyrǵyzyldy. Atap aıtqanda, sánaǵash, shaǵan jáne qaraǵan. 540 tekshe metr qoqys shyǵaryldy, oǵan 42 arnaıy tehnıka tartyldy.
Áýezov aýdanynda ekologıalyq aksıaǵa 500-den astam adam qatysyp, shamamen 500 aǵash kósheti otyrǵyzyldy. Buǵan 22 tehnıka jumyldyryldy.
Esterińizge sala keteıik, «Jarqyn kúz» aýqymdy ekologıalyq aksıasy respýblıkalyq «Taza Qazaqstan» baǵdarlamasy men «Almaty – bizdiń ortaq úıimiz» qalalyq jobasy aıasynda ótip jatyr. Bul aksıanyń maqsaty – ekologıalyq jaǵdaıdy jaqsartý jáne megapolısti kógaldandyrý.