OLIMPIADA TÝRALY
2022 jylǵy Qysqy Olımpıadany ótkizý quqyǵyn Beıjiń 2015 jylǵy 31 shildede aldy. Qytaı astanasy Jazǵy jáne Qysqy Olımpıada oıyndaryn qabyldaǵan alǵashqy qala bolady.
Oıyndar "taza muz ben qardaǵy qýanyshty kún" uranymen ótedi jáne 2008 jylǵy Jazǵy Olımpıada murasyna súıenedi. Uıymdastyrýshylar Pekın-2022 mıllıondaǵan qytaılyqtardy qysqy sport túrlerine qyzyǵýǵa shabyttandyrady dep úmittenedi.
Qysqy sporttyń jeti túrinen 109 medal jıyntyǵy sarapqa salynady. Jarys úsh aımaqta ótedi: Pekın ortalyǵy, Iansın jáne Chjanszákoý.
Pekın 2008 jylǵy Olımpıadanyń sport nysandaryn iske qosady jáne barlyq muz jarystaryn (kerlıng, hokeı, kónkımen júgirý sporty), sondaı-aq qarda tórt jarysty (erler men áıelder arasyndaǵy snoýbordıng pen shańǵy frıstaılyndaǵy bıg-eır) qabyldaıdy.
Iansın - astananyń qala mańyndaǵy aýdany, Pekınnen soltústik-batysqa qaraı 80 km jerde, Uly qytaı qabyrǵasynyń áıgili bólikteri - Badalın men Djýngýgýan ornalasqan jerde. Onda shańǵy, bobsleı, skeleton jáne shana sportynda medaldar oınatylady.
Chjanszákoý soltústik-batysqa qaraı kórshiles Hebeı provınsıasynda ornalasqan. Ondaǵy tanymal qysqy kýrort Chýnlı snoýbordıng, shańǵy sportynyń barlyq túri jáne bıatlonnan qalǵan jarystardy qabyldaıdy.