Beıjińde Chjan Vensúan esimdi turǵyn Olımpıada oıyndarynyń eń úlken jankúıeri dese bolady. 35 jastaǵy azamat osy oıyndarmen baılanysty quny 80 myń dollardaı bolatyn túrli eskertkish zat pen kádesyı jınaǵan, dep habarlaıdy Almaty-akshamy.kz
Onyń shahardaǵy shaǵyn páterinen hokeı shaıbalarynan bastap, estelik marka jáne túrli tıyndarǵa deıin kórýge bolady. Erekshe hobbımen aınalysýdy 2000 jyly Sıdneıdegi Olımpıadadan bastaǵan Chjannyń qazir jeke koleksıasynda 5 myńnan asa jádiger bar.
- Keıde qatty sharshaǵan kezde osy jınaǵan zattarym kúsh beredi. Bul buıymdardyń árqaısysynyń ózindik tarıhy bar. Olarǵa qarap, Olımpıada oıyndarynyń ashylýy men jabylýy, sportshylardyń tartysty saıystaryna baılanysty sátter eske túsedi, - deıdi kolleksıoner Chjan Vensúan.