Ulttyq tasymaldaýshy halyqtyń suranysyn eskere otyryp, 2022 jyldyń aqpanynan bastap áıelder vagondary bar poıyzdardyń sanyn kóbeıtý týraly sheshim qabyldady, dep habarlaıdy Almaty-akshamy.kz
Joba pılottyq rejımde taǵy alty:
1) № 45/46 «Pavlodar-SHymkent»;
2) № 85/86 «Nur-Sultan-1-SHymkent»;
3) № 37/38 «Mańǵystaý-Nur-Sultan-Nurly jol-Semeı»;
4) № 47/48 «Nur-Sultan - Nurly jol-Atyraý»;
5) № 379/380 «Almaty-2-Oral»;
6) № 73/74 «Almaty-2-Jezqazǵan» jolaýshylar poıyzynda jumys isteıdi.
Saıttarda jáne bılet kasalarynda áıelder vagondaryna temirjol bıletterin resimdegen kezde jolaýshylar muqıat bolyp, shartty belgilerge nazar aýdarýy tıis. Áıelder vagondaryna ertip júretin adam bolǵan kezde 7 jasqa deıingi uldardy resimdeýge de jol beriledi. Jol júrý barysynda suraqtar týyndaǵan kezde jolaýshylar óz vagonynyń jolserigine nemese poıyz bastyǵyna júgine alady.
Esterińizge sala keteıik, ótken jyldyń qazan aıynda klıentke baǵdarlaný jáne servıs deńgeıin arttyrý úshin «Jolaýshylar tasymaly» AQ №77/78 «Almaty - Mańǵystaý» jáne №351/352 «Almaty – 1-Óskemen" jolaýshylar poıyzdarynda áıelder vagondarynda jol júrý qyzmetin iske qosty. Joba iske qosylǵan sátten bastap, 2021 jylǵy 10 qazan men 31 jeltoqsan aralyǵynda bul qyzmetti 13243 áıel jolaýshy paıdalanǵan.