Egemendiktiń qasıeti bólek
Táýelsiz ǵumyr keshý baqyt. Ony ustap turý jáne baıandy etý paryz. Álemde qashama halyq bar. Sonyń resmı moıyndalǵany 190 el shamasynda. Egemendikti – ata-babalardan bizge aman bolǵan asyl mura dep sanaımyz. Tym qasterli. Máni zor. Myń táýbe! Bıyl qasterli táýelsizdigimizge 30 jyl tolady. Osyǵan baılanysty saýalnama jasaǵan bolatynbyz.
Jiger ASQAR, jas aqyn
– Dúnıede asa qasterli eki nárse bar bolsa, sonyń biri táýelsizdik. Sıseron «Bárinen de tek qana ózine baǵynyshty adam baqytty» dep aıtypty. Oıshyldyń sózinde ǵajaıyp mán-maǵyna jatyr. Biz baıtaq otanda jasap jatyrmyz. Men úshin týǵan ólkemizdiń kóli, shóli, dalasy, taýy men tasyta ystyq. Aıryqsha! Sózben sýretteý qıyn. Til jetpeıdi. Osyndaı mamyrajaı, beıbit mekende ǵumyr keship jatqanyma ishteı qýanamyn. Shúkir! Eń bastysy bastaǵy baqty baǵalaý bárimizge paryz. Ýaqyt almasady, zaman ózgerýi múmkin. Biraq ózgermeıtin bir nárse bar. Ol – týǵan jer. Árkimniń týǵan jerdi súıýi ár bólek. Degenmen, sony sezine bilý patrıotızmniń bir belgisi. Qazaq halqy «Otan ot basynan bastalady» dep jáı aıtpaǵan. Osyǵan ýaqyt ótken saıyn kýá bolýdamyz. Sóz sońynda aıtarym, egemendi memleketimiz máńgi jasasyn demekpin.