Premer-Mınıstr Asqar Mamınniń tóraǵalyǵymen ótken Úkimet otyrysynda bilim jáne ǵylym mınıstri Asqat Aımaǵambetov 2025 jylǵa qaraı stýdentterdiń stıpendıasy eki ese ósetinin týraly málimdedi, - dep habarlaıdy almaty-akshamy.kz
Ol negizinen birneshe baǵyttardy qamtıdy. Atap aıtsaq: ońtaıly basqarý júıesi, akdemıalyq saıasat, bilim baǵdarlamalarynyń sapasy, qoljetimdi qarjylandyrý, kásibı oqytýshylar quramy men akademıalyq adaldyq prınsıpterin saqtaý jáne sapany qamtamasyz etýdiń tıimdi júıesi.
Elimizdiń 122 ýnıversıtetiniń jartysy jekemeshik uıymdar. Bakalavrıat, magıstratýra men doktorantýra deńgeılerinde 600 myńnan astam stýdent bilim alýda. Qazaqstannyń 14 joǵary oqý oryny Dúnıejúzilik eń úzdik ýnıversıtetter reıtıńinde.
«Sońǵy jyldary granttar sany 2 esege jýyq ósti. Endi 2025 jylǵa qaraı kezeń-kezeńmen grant sany 75 myńǵa deıin jetedi. Memleket basshysy tapsyrmasynyń aıasynda stýdentterdiń stıpendıasy da eki esege jýyq ósip, 2025 jylǵa qaraı olardyń stıpendıasy taǵy 2 esege, al magıstranttar men doktoranttardyń stıpendıasy 1,5 esege artady», — dedi A. Aımaǵambetov.