Mádenıet jáne aqparat mınıstrligi memleket basshysy taǵaıyndaǵan "Táýelsizdik urpaqtary" grantyn berý boıynsha konkýrstyń bastalǵanyn jarıalady, dep habarlaıdy aqshamnews.kz
Grant berýdiń maqsaty — belsendi shyǵarmashyl jastar qaýymdastyǵyn qalyptastyrýǵa baǵyttalǵan jańa ıdeıalar men bastamalardy memlekettik qoldaý.
2025 jyly respýblıkalyq deńgeıde 3 mln teńgeden 30 grant beriletin bolady.
Grantqa 14 jastan bastap 35 jasqa deıingi (34 jasty qosa alǵanda) Qazaqstan azamaty úmitker bola alady.
Grant mynadaı 6 baǵyt boıynsha jobalardy iske asyrý úshin konkýrstyq negizde beriledi:
"Ǵylym" – jańa ǵylymı jobalardy jáne zertteýlerdi iske asyrýǵa arnalǵan;
"Mádenıet" – Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
"Aqparattyq tehnologıalar" – jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
"Bıznes" – jańa bıznes-ıdeıalardy iske asyrýǵa arnalǵan;
"Medıa" – jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrýǵa arnalǵan;
"Volonterlik" – ózekti, áleýmettik problemalardy sheshýge baǵyttalǵan volonterlik jobalardy (bastamalardy) iske asyrýǵa arnalǵan.
Konkýrstyq ótinimderdi qabyldaý 2025 jylǵy 16 maýsymnan bastap 18 tamyz aralyǵynda (bul rette, bıyl 18 tamyz saǵat 24:00-ge deıin) t.urpaktary25@gmail.com elektrondy poshtasy arqyly júzege asyrylady.
Anyqtama telefondary: 8 (7172) 74-12-78, 8 706-618-07-23 (jumys kúnderi, saǵat 9:00-den 18:30-ǵa deıin).
Konkýrsqa qatysý úshin qajetti qujattar tizimi (memlekettik jáne (nemese) orys tilderinde):
1-qosymshaǵa sáıkes nysan boıynsha konkýrstyq ótinim (PDF formaty);
2-qosymshaǵa sáıkes nysan boıynsha jobanyń sıpattamasy (word formaty);
Joba boıynsha beınematerıal (60 sekýndtan aspaıtyn) nemese prezentasıa (10 slaıdtan aspaıtyn);
3-qosymshaǵa sáıkes nysan boıynsha shyǵyndar smetasynyń jobasy (word formaty);
Zıatkerlik menshik týraly málimetter (bar bolsa, PDF formaty);
Jeke kýálik nemese týý týraly kýáliktiń kóshirmesi (PDF formaty).
Qosymshalar men "Táýelsizdik urpaqtary" grantyn berý qaǵıdalaryn mınıstrlik saıtynan júkteı alasyz.