Almatyda aqyn, sazger, Qazaq avtorlar qoǵamynyń múshesi Saltanat Sultanovanyń shyǵarmashylyǵyna arnalǵan «Táýelsizdik -tuǵyrym» atty ádebı-sazdy kesh ótti. Keshti Saltanat Sultanova óziniń «Táýelsizdik tuǵyrym» atty jyrymen ashyp, «Týǵan jerge», «Jerdiń de júregi bar», «Dombyra» dep atalatyn óleńin oqydy.
Óleń ólkesinde ózindik oqyrmany bar san qyrly talant ıesiniń osynaý jyldar ishinde baǵyndyrǵan bıikteri kóńil kónshiterlik. Shyǵarmashylyǵy, aldaǵy josparlary týraly baıandap, kórermenderdiń saýalyn jaýapsyz qaldyrmady. Kelesi kezekte aqynnyń «Arý qala- Astana», «Batyrdyń urany», «Týǵan ólkem», «Jasyldar marshy» atty ánderi oryndalyp, keshtiń kórkin kirgizdi.
Sondaı-aq, sharaǵa eńbek ardageri Dárıa Sarqytbaeva, tanymal dıktor, Qazaq radıosynyń ardageri Búrkit Bekmaǵanbetov, Áıteı aýyldyq okrýgi «Analar qoǵamynan» Baqytgúl Qulanshıeva, Úmithanym Seıdiǵalıeva, Mádenıet qaıratkeri, ánshi Nurjamal Áshimhan qatysyp, táýelsizdik jolynda erlik kórsetken ult qaıratkerlerin eske aldy.
