Almaty qalasy ákimdigi men qalalyq mektepke deıingi resýrstyq ortalyǵynyń qoldaýymen №109 balabaqshada pedagog Ia.A.Poslovskaıanyń robototehnıka boıynsha avtorlyq baǵdarlamasynyń tusaýkeseri ótti. Atalmysh sharaǵa qalalyq Bilim basqarmasy basshysynyń orynbasary B. Malǵajdarova, mektepke deıingi tárbıe jáne oqytý bóliminiń basshysy A. Saǵıeva, qalalyq mektepke deıingi resýrstyq ortalyǵynyń ádiskeri L. Raımova jáne Medeý aýdandyq bilim bóliminiń basshysy A.Nuralıeva qatysty. Sonymen qatar, Medeý aýdandyq jáne Almaty qalasyndaǵy memlekettik mektepke deıingi uıymdardyń pedagogtary qatysty.
Bul kúni robototehnıka búkil álemdegi ǵylymı zertteýlerdiń basym baǵytyna ıaǵnı óndiristiń joǵary tehnologıalyq salalaryna enip otyr. Qarap otyrsańyz, robot bizdiń ómirimizde kúndelikti tutynatyn teledıdar ıakı telefon sıaqty qalyptasqan zatqa aınala bastady. Bir kezderi «robottar adamnyń almastyrylmaıtyn kómekshileri bolmaq, birqatar qaýipti jáne aýyr jumystardy óz moıyndaryna alatynyna eshkim kúmán keltire almaıdy»-degen sózder shyndyqqa aınala bastaǵandaı.
Jıyndy uıymdastyrýshylar memlekettik mektepke deıingi uıymdardyń pedagogtaryn oqý úderisinde «Botley» robotynyń múmkindikterimen tanystyryp, olardy mektepke deıingi balalar úshin qyzyqty jáne tıimdi robototehnıka áreketterin jasaýǵa úıretti. Atalmysh shara aıasynda pedagogter bilim berý úderisine jańa tehnologıalardy engizýge múmkindik beretin baǵdarlamalaý daǵdylaryn bazalyq deńgeıde damytyp, ózara is-tájirıbe almasty.
Uıymdastyrýshylar robototehnıkany balalardyń logıka, shyǵarmashylyq jáne komýnıkasıa sıaqty ártúrli quzyrettilikterin damytý úshin qalaı qoldanýǵa bolatynyn kórsetti.
Jalpy, bul baǵdarlama mektepke deıingi bilim berýde robototehnıkany qoldaný salasyndaǵy pedagogtardyń kásibı sheberligin arttyryp, tárbıeshilerdiń tehnologıany oqytý ádisterin meńgerýine kómektesedi.
Avtorlyq baǵdarlamanyń tusaýkeserine qatysýshylar «Botley» robotymen jumys isteý ádisterimen jan-jaqty tanysty. Sondaı-aq balalardyń baǵdarlamalaý daǵdylaryn, logıkalyq oılaýyn jáne shyǵarmashylyq belsendiligin damytý úshin robototehnıkany qalaı paıdalaný kerektigimen tanysýǵa múmkindik beretin sheberlik sabaqtary men praktıkalyq jattyǵýǵa qatysty.