Qala ákimi Baqytjan Saǵyntaev sport kesheninen, beıimdeý ortalyǵynan jáne jabyq júzý baseıninen turatyn ekinshi kezektegi «Suńqar» halyqaralyq shańǵy tramplınine bardy
Sport kesheni 6 myń sharshy metrden astam aýmaqta ornalasqan, dep habarlaıdy Almaty-akshamy.kz
Ol ártúrli sport túrleri boıynsha aýqymdy sharalarǵa arnalǵan: erkin, grek-rım jáne áıelder kúresi, kazak kúresi, boks, dzúdo, taekvondo, mını-fýtbol, voleıbol, basketbol, gandbol jáne t.b.
Sport kesheni 1285 orynǵa eseptelgen (658 stasıonarlyq otyratyn oryn, jyljymaly minbelerde – 627 oryn). Sport alańynyń kólemi – 22h42 metr, tóbesiniń bıiktigi – 12 metr.
Keshen jattyǵýǵa qajetti sporttyq qural-jabdyqtarmen tolyq jabdyqtalǵan. Parket júıesine erekshe nazar aýdarylady, ońtaıly úıkelis koefısıenti bar arnaıy jabyn sportshylardyń qaýipsizdigin qamtamasyz etedi.
7 jolǵa arnalǵan 25h16 metrlik jabyq júzý baseıni túrli sý sport túrleri boıynsha iri, sonyń ishinde halyqaralyq jarystardy ótkize alady.
Sondaı-aq, ortalyqta saýyqtyrý jáne demalý úshin úı-jaılar, dýsh, massaj kabıneti, kıim sheshetin bólmeler, medısınalyq kabınet, saýna jáne jattyqtyrýshy bólmeleri qarastyrylǵan. BAQ úshin komentatorlyq jáne parkıng bar.
Beıimdeý-jattyǵý ortalyǵynda is-sharalardy ótkizý úshin tolyq jabdyqtalǵan 108 bólme, úsh zamanaýı konferens-zal bar. 500 oryndy sportshylarǵa arnalǵan dıetologtyń qyzmetteri bar kafe, baseıni bar ashyq jazǵy alań qarastyrylǵan.
Jobaǵa 7,7 mlrd teńge ınvestısıalandy. Almaty Business 2025 kásipkerlikti damytý óńirlik baǵdarlamasy aıasynda sporttyq qural-jabdyqtar satyp alýǵa 84 aıǵa jyldyq 6%-ben 500 mln teńge somasynda jeńildikti nesıe berildi. Osy jobany qarjylandyrý aıasynda baseındegi aýtıst balalarǵa arnalǵan nusqaýshymen tegin jattyǵý múmkindigi qamtamasyz etildi.