Qonys aýdarǵan etnıkalyq qazaqtar respýblıkanyń túrli óńirlerine qonystanǵan.
Eńbek jáne halyqty áleýmettik qorǵaý mınıstrliginiń aqparaty boıynsha, 1991 jyldan beri elge 1 mln 151 myńnan astam etnıkalyq qazaq oralǵan, - dep habarlaıdy aqshamnews.kz
Vedomstvo málimetinshe, bıyl 3 203 etnıkalyq qazaq tarıhı otanymen tabysyp, qandas mártebesin alǵan.
"Jyl basynan Qazaqstanǵa kelgen qandastardyń jartysy (48,1 paıyz) Qytaıdan, 39,5 paıyz – Ózbekstannan, 5,8 paıyz – Túrikmenstannan, 2,5 paıyz – Monǵolıadan, 1,9 paıyz – Reseıden jáne 2,2 paıyz basqa elderden", - delingen habarlamada.
1 sáýirdegi málimet boıynsha, eńbekke qabiletti jastaǵy etnıkalyq qonys aýdarýshylar sany 60,7 paıyz, eńbekke qabiletti jastan kishi 31,1 paıyz jáne zeınetkerler 8,2 paıyz bolǵan.
Eńbekke qabiletti jastaǵy qandastardyń ishinen bilim deńgeıi boıynsha 17,9 paıyzy joǵary bilimdi, 27,8 paıyzy orta kásibı bilimdi, 52,9 paıyzy jalpy orta bilimdi, jáne 1,4 paıyzynyń bilim joq.
Qonys aýdarǵan etnıkalyq qazaqtar respýblıkanyń túrli óńirlerine qonystanǵan.
"Sonymen qatar, qandastardy qonystandyrý úshin Aqmola, Abaı, Qostanaı, Pavlodar, Atyraý, Batys, Shyǵys jáne Soltústik Qazaqstan oblystary anyqtaldy", delingen mınıstrliktiń aqparatynda.
Qonystandyrý óńirlerinde 2025 jylǵa arnalǵan qandastardy qabyldaý kvotasy 2 309 adam bolady. 2025 jylǵy 1 sáýirdegi jaǵdaı boıynsha qonystandyrý óńirlerine 642 qandas qonys aýdardy.
Joǵaryda atalǵan óńirlerde qonystanǵan qandastarǵa kóshýge sýbsıdıa túrinde memlekettik qoldaý sharalary usynylady – bir mezgilde otaǵasyna jáne otbasynyń árbir múshesine 70 AEK (275,2 myń teńge) mólsherinde; turǵyn úı jaldaýǵa jáne komýnaldyq qyzmetterge aqy tóleýge – bir jyl ishinde 15-ten 30 AEK (59-den 118 myń teńgege deıin) mólsherinde.