Qazaqstan Respýblıkasynyń Prezıdenti Qasym-Jomart Toqaev Qazaqstan halqy Assambleıasynyń HHHİV sesıasynda sóılegen sózinde QHA-nyń qoǵamdyq birlik, azamattyq jaýapkershilik pen eldik sana qalyptastyrýdaǵy strategıalyq rólin atap ótti. Bul týraly Aqshamnews.kz saıty habarlaıdy.
Memleket basshysy Assambleıanyń tek etnosaralyq qatynastarmen ǵana shektelmeı, jańa ult bolmysyn qalyptastyrýǵa baǵyttalǵan tárbıelik, aǵartýshylyq jumystarǵa belsene aralasyp jatqanyn erekshe atap ótti.
Prezıdenttiń aıtýynsha, búginde QHA ardagerleri men belsendi músheleri «Adal azamat» biryńǵaı tárbıe baǵdarlamasyn júzege asyrýǵa kúsh salyp jatyr. Bul bastama qoǵamdaǵy adaldyq, jaýapkershilik, patrıotızm qundylyqtaryn dáripteýdi kózdeıdi.
"Búgin áriptesimiz Ahmed Mýradov jáne basqa da Assambleıa músheleri QHA ardagerleriniń ‘Adal azamat’ baǵdarlamasyna belsene qatysyp jatqanyn aıtty. Mundaı jumystar ultymyzdyń jańa bolmysyn qalyptastyrýda Assambleıanyń áleýetin keńinen qoldanýǵa múmkindik beretinine senimdimin", – dedi Prezıdent.