Úkimet basshysy Álıhan Smaıylov el tarıhyndaǵy qasterli de ulyq mereke – Táýelsizdik kúnimen quttyqtady, dep habarlaıdy Almaty-akshamy.kz Inbusiness.kz-ke silteme jasap.
"16 jeltoqsan – "Qazaqstan Respýblıkasynyń memlekettik táýelsizdigi týraly" Konstıtýsıalyq zań qabyldanyp, tutas álem egemendi Qazaqstandy resmı túrde alǵash moıyndap, azat el, derbes memleketimizdiń berik negizi qalanǵan aıryqsha kún. Bul kún – azattyq alýǵa zor úles qosqan ult qaıratkerlerin ulyqtap, sol jolda ómirlerin qurban etken batyrlarymyzdyń rýhyna táý eter taǵzym kúni. Táýelsizdigimizdi kózdiń qarashyǵyndaı saqtap, bolashaq urpaqqa amanattaý – árbir azamattyń qasıetti paryzy. Osynaý ulyq merekede otbasylaryńyzǵa amandyq, shańyraqtaryńyzǵa shattyq, baq pen bereke tileımin! El irgesi berik, kók týymyz árqashan bıik bolǵaı!" - delingen quttyqtaýda.