55 ýchaskede kóshkin qaýpi bar.
Almaty oblysynyń tótenshe jaǵdaılar departamenti taýda qar kóshkini júrýi múmkin ekenin eskertti, dep habarlaıdy Almaty-akshamy.kz
Tótenshelikter 4 jeltoqsanda qala turǵyndaryna, týrıster men demalýshylarǵa arnap úndeý jarıalady.
"Almaty oblysynyń taýlarynda 2023 jylǵy 5 jeltoqsan men 8 jeltoqsan aralyǵynda kóshkin qaýpi saqtalady. TJD azamattardan, týrıserden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik pen minez-qulyq sharalaryn saqtaýdy suraıdy", – delingen habarlamada.
Vedomstvo ókilderiniń málimetinshe, Almaty oblysynyń aýmaǵynda İle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar.
"Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady", – deıdi tótenshelikter.