Alataý aýdanynyń polıseıleri pyshaq jaraqatyn saldy degen kúdikpen Shyǵys Qazaqstan oblysynyń 49 jastaǵy týmasyn ustady.
2 jeltoqsanǵa qaraǵan túni kezekshi bólimge qalalyq aýrýhanalardyń birinen ish qýysynda pyshaq jaraqatymen 27 jastaǵy er adamnyń jetkizilgeni týraly habarlama kelip tústi, dep habarlaıdy Almaty-akshamy.kz Polisia.kz-ke silteme jasap.
«Jábirlenýshiden suraq-jaýap alǵannan keıin dámhanalardyń birinde kórshi ústelde otyrǵan er adamdar arasynda janjal bolǵany belgili boldy. Soqqydan keıin kúdikti oqıǵa ornynan qashyp ketken. Alaıda jedel-izdestirý sharalary barysynda ol ustaldy. Bul – 1974 jyly týǵan B.esimdi azamat. Kúdikti óz is-áreketin moıyndady. QR QK-niń 106-baby 2 bóligi boıynsha qylmystyq is qozǵaldy. Qazirgi ýaqytta er adam ýaqytsha ustaý ızolátoryna qamaldy. Oqıǵanyń basqa da mán-jaıy anyqtalyp jatyr», – dedi Alataý aýdandyq PB-ǵa qarasty polısıa bóliminiń basshysy Asqat Dáýletıarov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
Aqparat kózi Polisia.kz saıtynda: https://polisia.kz/almaty-politsiyasy-er-adamdy-pyshaqtaghan-kudiktini-quryqtady/