Eldegi eriktiler qozǵalysynyń qatary jyl saıyn tolyǵa túsýde.
Búginde aımaqtarda 20 front keńseler jumys isteıdi. Bıyl onda 10 myńnan astam volonter arnaıy oqytýdan ótken, dep habarlaıdy Almaty-akshamy.kz 24.kz-ke silteme jasap.
Al «Qazvolonter» platformasynda 70 myń adam tirkelip, 72 jobany júzege asyrǵan. Qazaqstannyń bul baǵyttaǵy tájirıbesin birqatar Orta Azıa elderi qabyldaýǵa nıetti. Halyqaralyq volonterler kúni qarsańynda ótken forýmda elimizdiń eriktiler qozǵalysyn damytýdaǵy tájirıbesi talqylandy. Jıynǵa kórshi memleketterden úkimettik emes uıym ókilderi qatysyp, eldegi voloterlik uıymdardyń jumysymen tanysty.
«Qazaqstan tarapynyń qarjylandyrýmen 2020 jyldan bastap Qazaqstannyń azamattary Birikken Ulttar Uıymynyń baǵdarlamasy boıynsha basqa elderde volonter bolyp jumys istep jatyr. Olar Túrkıada, Afrıka elderinde jumys isteýde. Bul baǵdarlama ary qaraı jalǵasady. Qazaqstan 7 adamdy basqa elderde kómek kórse úshin erikti retinde jiberedi», - deıdi QR Mádenıet jáne aqparat vıse-mınıstri Danıar Qadyrov.
«Qazaqstan azamattary shetelde volonter retinde kómek kórsetkisi kelse, el Úkimeti buǵan qoldaý kórsetedi. Bunyń ózi Qazaqstannyń eriktiler qozǵalysy halyqaralyq deńgeıge shyqqanynyń dáleli. Budan bólek, Qazaqstanda úzdik volonterlerge arnaıy syılyq qarastyrylǵan. Osynyń ózi el Úkimetiniń bul salaǵa úlken mán beretininin kórsetedi», - deıdi BUU volonterler baǵdarlamasynyń konsýltasıalyq qyzmetter seksıasynyń basshysy Tapıva Kamýrýko.