Almatydaǵy Medeý aýdanynyń ákimi Erkebulan Orazalın Taý Samaly shaǵyn aýdanynda laı kóshkininiń oryn alýyna qatysty ınjenerlik jelilerdiń jaǵdaıyna túsinikteme berdi, dep habarlaıdy Almaty-akshamy.kz.
«Qazir Taý-Samaly shaǵyn aýdanynda jeke sektordyń komýnıkasıalarǵa qosylýy retsiz ári qaýipti. Jeke sektordaǵy kóptegen taratý jelileri standarttarǵa sáıkes kelmeıdi. Jaqyn arada bul máseleni sheshý úshin biz ótken jyldan bastap taratý jelilerin salý boıynsha jobany ázirleýge kirisken bolatynbyz. Biz «Balqash» sý kózin kórsettik, jańa skvajınalar - bul birinshi kezeń. Ekinshi kezeń-taratý jelilerin júrgizý jáne sý qubyrymen qatar káriz jelilerin salý, óıtkeni taýly jerlerde septıkterdi paıdalanatyn jeke úıler qaýipsiz emes», - dedi Medeý aýdanynyń ákimi Erkebulan Orazalın.