Búgingi tańda elimizdegi paıdalanýǵa bolatyn jerasty sýynyń qory 15,7 tekshe shaqyrym dep boljanýda.
Bul rette, Qazaqstannyń jyldyq sý qory 102,3 tekshe shaqyrymdy quraıtynyn aıta ketken jón. Bul kólemniń tórtten bir bóligi ekonomıka qajettilikteri úshin paıdalanylady, dep habarlaıdy Almaty-akshamy.kz Sý jáne ırrıgasıa mınıstrligine silteme jasap.
Jalpy sý kóleminiń 1%-dan sál astamy halyqty aýyz sýmen qamtamasyz etýge jumsalady. Qazirgi ýaqytta el ekonomıkasynda jerasty sýlaryn paıdalaný úlesi 7%-dan 10%-ǵa deıin.
«Elimizde jerasty sýlaryn zertteýge kóp kóńil bólinedi. Mınıstrlikte jeke departament ashyldy, gıdrogeologıalyq jumystardy uıymdastyrý jáne jerasty sý resýrstaryna memlekettik baqylaý men monıtorıń júrgizý úshin Ulttyq gıdrogeologıalyq qyzmet qurylady. Basqa vedomstvolardyń jerasty sýlary boıynsha fýnksıalarynyń bir bóligi bizge ótedi jáne osy baǵyttaǵy jumys kúsheıtiledi», – dedi QR Sý resýrstary jáne ırrıgasıa mınıstri Nurjan Nurjigitov.