Taǵy 7 adam jaraqatpen aýrýhanaǵa jetkizilgen.
Tatarstannyń Menzelınsk qalasynda 20 parashútshi men eki ekıpaj múshesi bar jeńilmotorly L-410 ushaǵy apatqa ushyrady, dep habarlaıdy Almaty-akshamy.kz Habar 24-ke silteme jasap.
Aqparat kóziniń málimetinshe, parashútıster otyrǵan ushaq Menzelınsk qoný alańynan (Tatarstan) kókke kóterilgennen keıin birden qulaǵan. Aldyn ala málimetter boıynsha, 16 adam qaza boldy. Taǵy 7 adam jaraqatpen aýrýhanada jatyr. Densaýlyq saqtaý mınıstrligi zardap shekken jeti adamnyń biriniń jaǵdaıy aýyr ekenin aıtty.
Bortta barlyǵy 23 adam bolǵan (onyń ishinde ekıpajdyń eki múshesi). L-410 ushaǵynyń qulaýyna jolaýshylar sanynyń artýy sebep bolýy múmkin.
Jolaýshylardy shyǵaryp, evakýasıalaý jumystary júrgizilip jatyr. L410 – aımaqtyq jelilerge arnalǵan eki qozǵaltqyshty ushaq.
Mashınany chehoslovakıalyq Let kompanıasy 1960 jyldardyń sońynda jasaǵan. Ushaqty komersıalyq paıdalaný 1973 jyly bastalǵan. Apattyń naqty sebebi anyqtalyp jatyr.