Ronaldý úshin bul ulttyq quramadaǵy 181-mach boldy.
Fýtboldan Portýgalıa ulttyq quramasy joldastyq kezdesýde Katardy jeńdi, dep habarlaıdy Almaty-akshamy.kz tilshisi Tengrinews.kz-ke silteme jasap.
Farý-Lýlede (Portýgalıa) ótken kezdesý 3:0 esebimen aıaqtaldy. Jeńimpazdar sapynda Krıshtıaný Ronaldý (37-mınýtta), Joze Fonte (48) jáne Andre Sılva (90) gol soqty.
Ronaldý úshin bul ulttyq quramadaǵy 181-mach boldy. Osylaısha, «Manchester Iýnaıted» shabýylshysy ıspanıalyq qorǵaýshy Serhıo Ramosty (180) ozyp, ulttyq quramadaǵy oıyndar sany boıynsha eýropalyq rekordty jańartty.
Álemdik rekord malaızıalyq eks-qorǵaýshy So Chın Aýnǵa tıesili, ol 1969-1984 jyldar aralyǵynda 195 mach ótkizgen.
Portýgalıa quramasy sapyndaǵy 181 machte Ronaldý 112 gol soǵyp, 41 nátıjeli pas bergen. Osylaısha, shabýylshy ulttyq qurama sapyndaǵy goldar sany boıynsha álem rekordyn jańartty. Ol 2021 jyly ulttyq qurama sapynda on gol soqqan.
Sonymen qatar Katar Ronaldýdyń halyqaralyq machterde gol soqqan 46-eli boldy. Birde-bir fýtbolshy osynsha quramaǵa gol salmaǵan.
Eske salaıyq, Portýgalıa quramasymen birge Ronaldý 2016 jyly Eýropa chempıony atanyp, Eýro-2012 «qolasyn» jáne Eýro-2004 «kúmisin» alǵan, 2019 jyly ÝEFA Ulttar lıgasyn jeńip alǵan bolatyn.