Júkti áıel poıyzda bosanyp qaldy

Júkti áıel poıyzda bosanyp qaldy Cýret: Qazaqstan temir joly

«Arqalyq - Nur-Sultan» baǵytyndaǵy jolaýshylar poıyzynda qyz bala dúnıege keldi.


2021 jylǵy 8 qazanda №603 «Arqalyq - Nur-Sultan» baǵytyndaǵy jolaýshylar poıyzy Arqalyq stansıasynan jóneltilgennen keıin er adam poıyz brıgadasynyń qyzmetkerlerine zaıybynyń tolǵaǵy kelip qalǵanyn habarlaǵan. Bul týraly «Qazaqstan temir joly» UK»AQ baspasóz qyzmeti málimdedi, dep habarlaıdy Almaty-akshamy.kz.


Tórehan Ábdiraıymov bastaǵan poıyz brıgadasy qyzmettik nusqaýlyqqa sáıkes áreketke kóship, kelesi stansıaǵa jedel járdem shaqyrǵan. Temir jolda 8 jyldan astam ýaqyt jumys isteıtin, onyń ishinde 3 jyldan beri poıyz bastyǵy T.Ábdiraıymov mundaı jaǵdaımen birinshi ret betpe-bet kelgen.



Dárigerler kelgenge deıin temirjolshylar áıeldi bosanýǵa daıyndaı bastady. Jolserikter Irına Andreeva men Jańyl Batalova jolaýshylar arasynan tabylǵan dárigerler Svetlana Aıapova (zeınettegi  akýsher-gınekolog) jáne Gaýhar Qoıshyǵulovanyń (emdeý uıymynyń basshysy) nusqaýymen áreket jasady. Júkti áıeldi aman-esen bosandyrý úshin vagonda barlyq qajetti jaǵdaılar jasaldy jáne biraz ýaqyttan dúnıege qyz bala keldi,-delingen habarlamada.



Poıyz Derjavınsk beketine jetkennen keıin jas ana Nuraılym Qurmanaly men onyń shaqalaǵyn jolserikter jedel járdem qyzmetkerlerine tapsyrdy.


Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:58

12:31

11:54

11:21

11:04

09:48

18:24

18:20

16:30

16:14

16:09

15:36

15:33

15:16

14:26

14:13

12:46

11:21

11:16

11:10

11:09

11:03

11:02

10:52

10:52