Elimizde sý tasqyny kezinde qyrylǵan mal shyǵyndary tolyqtaı óteldi. Bul týraly Aýyl sharýashylyǵy vıse-mınıstri Amanǵalı Berdalın málim etti.
ASHM 100% ótelgenin málimdedi
Jalpy, 12 450 mal qyrylǵan
Onyń aıtýynsha, tasqyn bastalǵan sátten beri jedel sharalar qabyldanǵan. Bıyl 7 sáýirde respýblıkalyq shtabta sýǵa ketken mal shyǵyndaryn óteýdiń algorıtmi bekitilgen.
Aıta ketsek, sol algorıtm men qaǵıdattarda shyǵyndy búdjetten jáne búdjetten tys qarajat esebinen óteý kózdelgeni málim.
Sý tasqyny kezinde 140 myńǵa jýyq mal qaýipsiz jerge kóshirildi. Búginde jergilikti atqarýshy organdardyń jedel derekteri boıynsha, respýblıkada 12 450 mal qyrylǵan. Barlyq ólekse joıylyp, zalal 100 paıyz óteldi, - dedi Amanǵalı Berdalın.