Almatynyń Qala qurylysyn baqylaý basqarmasynyń habarlaýynsha, Medeý jolyndaǵy Kereı-Jánibek handar kóshesindegi aýmaqta qurylys-montajdaý jumystarynyń bastalǵany týraly habarlama túsken joq, nysannyń qurylysyna jobalaý aldyndaǵy qujattamany menshik ıesi (jeke tulǵa) alǵan joq, dep habarlaıdy Almaty-akshmy.kz
Vızýaldy tekserý barysynda ýchaskede qurylys júrgizilmegeni rastaldy, al «Orlovskıe banıdiń» jarnamasy bar banner joıyldy.
Aıta keteıik, sol aýmaqtaǵy salynyp bitpegen nysan Almatynyń buryn jarıalanǵan qurylysy uzaqqa sozylǵan nysandar tizimine engizilgen.
Basqarmada qurylysy toqtatylǵan nysanda zań buzýshylyqtar anyqtalǵan jáne nusqama talaptaryn elemegen jaǵdaıda sot talqylaýynan soń kezekti jospardan tys tekserý júrgiziletini aıtyldy.
Buryn menshik ıesi usynǵan aqparatqa sáıkes, jospardan tys tekserý barysynda berilgen nusqama tolyqtaı oryndalmaǵan.