Memlekettik kirister komıtetiniń tóraǵasy Jandos Dúısembıev aǵymdaǵy jylǵy 26 sáýirde Tashkent qalasynda (Ózbekstan Respýblıkasy) ótken Táýelsiz Memleketter Dostastyǵyna múshe memleketterdiń keden qyzmeti basshylary keńesiniń 78-shi otyrysyna qatysty, dep habarlaıdy almaty-akshamy.kz.
Otyrysqa sondaı-aq Armenıa, Ázerbaıjan, Belarýs, Qyrǵyzstan, Reseı, Tájikstan, Ózbekstan keden qyzmetteriniń basshylary jáne TMD Atqarýshy komıtetiniń ókilderi qatysty.
Otyrys kezinde kedendik baqylaýdy jáne shekaradaǵy formaldylyqtardy jetildirý, sondaı-aq kadrlardy daıyndaý máseleleri qarastyryldy. Sondaı-aq otyrysta keden qyzmetteriniń basshylary TMD-ǵa qatysýshy memleketterdiń keden qyzmetteriniń tranzıttik portalyn qurý, tranzıttik aǵyndardy baqylaýdy ońaılatý, tasymaldardy navıgasıalyq plombalardy qoldanýmen qadaǵalaý jáne jeke tulǵalarmen taýarlardy ákelý erekshelikteri máselelerin qarastyryp olar boıynsha sheshimder qabyldady.
Memlekettik kirister komıtetiniń tóraǵasy TMD keńistiginde tranzıttik tasymaldar úshin sıfrlyq tehnologıalardy qoldaný, úzdiksiz tasymaldar mehanızmin qoldaný jáne sıfrlyq jetilýdi odan ári kótermeleý qajettigin atap ótti.
Otyrystyń qorytyndysy boıynsha taraptar ózara saýdada ákimshilik kedergiler men shekteýlerdi odan ári tómendetý, taýarlardy shekara arqyly ótýin jyldamdatý jáne TMD keńistiginde zańsyz taýaraınalymen kúresý TMD keden qyzmetteri qatynastarynyń basymdy baǵyttary ekeni atap ótildi.
Táýelsiz Memleketter Dostastyǵyna múshe memleketterdiń keden qyzmeti basshylary keńesiniń kezekti otyrysy aǵymdaǵy jyldyń ekinshi jartyjyldyǵynda ótedi.