Qazaqstannyń Tashkenttegi elshiliginiń janyndaǵy referendým ýchaskesi jergilikti ýaqyt boıynsha tańǵy saǵat 07:00-de óz jumysyn bastady, dep habarlaıdy aqshamnews.kz Kazinform agenttigine silteme jasap.
Tashkenttegi № 399 referendým ýchaskesi shetelderdegi eń iri ýchaskelerdiń biri bolyp tabylady. Búgingi tańda bul ýchaskedegi saılaýshylar tizimine Ózbekstanda turaqty turatyn jáne ýaqytsha júrgen 600 qazaqstandyq azamat engizilgen.
№ 399 ýchaskeniń tóraǵasy Jaslan Iskakovtyń aıtýynsha, múmkindigi shekteýli azamattardyń daýys berýin qamtamasyz etý úshin arnaıy toptar jasaqtalyp, úıde daýys berý jáshikterin jetkizý jumystary uıymdastyrylǵan.
Atalǵan ýchaskede Ózbekstanda oqıtyn qazaqstandyq stýdentter, ýaqytsha jumys istep júrgen nemese turyp jatqan otandastarymyz, týrıser men issaparda júrgen azamattar daýys beredi dep kútilýde.
Tashkent qalasyndaǵy № 399 referendým ýchaskesi Qazaqstan Respýblıkasynyń elshiligi ǵımaratynda (Abaı kóshesi, 1) ornalasqan. Daýys berý jergilikti ýaqyt boıynsha 20:00-ge deıin jalǵasady.