Búgin men de azamattyq boryshymdy oryndap, referendýmda óz tańdaýymdy jasadym.
El bolashaǵy men urpaǵymyzdyń jarqyn keleshegi úshin sheshim qabyldaý — árbirimizdiń jaýapkershiligimiz. Bul tarıhı sát bizge, halyqqa, mańyzdy tańdaý jasaýǵa múmkindik berip otyr.
Bul elimizdiń energetıkalyq qaýipsizdigi men ekologıalyq tazalyǵy úshin erekshe mańyzdy kezeń.
Referendým — bul halyqtyń erkin tańdaýynyń kórinisi. Sońǵy aılardaǵy pikirtalastar, ǵalymdardyń, ekologtardyń, jáne atom salasynyń mamandarynyń aıtqandary men pikirlerin tyńdaı kele, árbirimiz ózimiz úshin jáne keler urpaq úshin sheshim qabyldadyq. Men bul úderis arqyly elimizdiń alǵa umtylysyn, demokratıalyq ustanymdaryn kórip turmyn.
Bizdiń ár daýysymyz — el bolashaǵy úshin, keleshek urpaq úshin jasalǵan úles. Osy qadamdarymyz arqyly Qazaqstannyń bolashaǵyn, energetıkalyq táýelsizdigin, jáne halyqtyń ómir súrý sapasyn jaqsartýdy kózdeımiz. Aldaǵy ýaqytta osy tańdaýdyń ıgiligin kórip, elimizde turaqty damýdyń jańa kezeńi bastalady dep úmittenemin.