Almatyda ótip jatqan «Tartyl Fest» festıvaline eńbektegen baladan eńkeıgen qarıaǵa deıin qatysýda. Búgingi sporttyq sharadan múmkindigi shekteýli jandar da qalys qalmady. 23 jastaǵy qala turǵyny Ádiljan Dáýletov te týrnıkke tartylyp kúsh synady.
«Osyndaı is-sharalar arqyly salaýatty ómir saltyn nasıhattap, sportymyzdy damyta bereıik. Barlyq qoldap kelgen, kúsh synap, qatysýǵa kelgen adamdarǵa alǵys aıtamyn. Týrnıkke tartylǵan kezde qoldaýlaryńyzdy sezindim. Meniń tartylǵanym tolyqtaı erejege sáıkes kelmese de, ózimdi synap kóreıin dedim. Sondaı-aq barlyq uıymdastyrýshylar men «Dara» qoryna erekshe alǵysymdy bildiremin. Qazaqstan halqyn «Tartyl Fest»-ke barlyq qalada qatysýǵa shaqyramyn. Júldeli jeńiske jetpeseńizder de, ózderińiz úshin eldiń aldynda baq synap kórińizder».