«TARTYL FEST» respýblıkalyq týrnıkte tartylý festıvalinde aǵa býyn ókilderi de erekshe belsendilik tanytýda. Olar da jastardan qalyspaı týrnıkke tartylýdan kósh bastap tur. Jeńýdi maqsat etpese de, qatysýdy mise tutqan turǵyndardyń qýanyshynda shek joq.
«Meniń jasym 62-de. Osy Almaty qalasynyń turǵynymyn. Ózim de biraz jyldar sportpen aınalysqandyqtan týrnıkke tartylýdan jarys ótetinin estigende qýanyp qaldym. Nemerelerimdi tamashalaýǵa ertip keldim. Jastarmen taıtalasa almasaq ta baǵymyzdy synap kórdik. Myna jerden qatarlastarymdy da kórip qaldym. Úıde aıaqty kóterip qoıyp jatqanan góri sportpen aınalysqanymyz jastarǵa úlgi bolmaq. Jarysty uıymdastyrýshylarǵa aıtar bir tilegim bar, 50-60 jas aralyǵyndaǵy býyndy jeke toptastyrsa degen úmittemin. Óıtkeni 30 jasar azamattardyń kúshi bizden báribir basymdyraq bolady ǵoı. Osy jaǵyn da eskerse deımin. Aǵa býynnyń osyndaı sharalarda bilek sybana kiriskeni jaqsy emes pe?»,–deıdi qatysýshy Orazbek Jantekeev.