«TARTYL FEST» respýblıkalyq sport festıvaliniń qatysýshylarynyń kóńil kúıi tamasha. Uıymdastyrýshylarǵa erekshe alǵysyn bildirýde. Sondaı-aq sporttyq sharalardyń kóbirek uıymdastyrylýy turǵyndardyń da densaýlyǵyna paıdasyn tıgizetinin atap ótti.
«Ideıa – Nurlan Qoıanbaev aǵamyzdiki. Bizde bul bastamaǵa qoldaý bildirip áleýmettik jelide mańyzyn, qala turǵyndaryna paıdaly tustaryn nasıhattaǵan edik. Qarap otyrsańyzdar jarysqa uzaq daıyndyq, arnaıy bapkerdiń de qajeti joq. Sol sebepten osy sport túrin respýblıkalyq deńgeıde uıymdastyrýdy jón sanadyq. Tipti jas aralyǵynda da shekteý joq. Jarysqa qatysýshylardyń eń kishkentaıy 5 jasta bolsa, úlkeni 70-ti alqamdaǵan aǵalarymyz bar. Birinshi ret uıymdastyrylyp otyrsa da 500-den astam adam onlaın, offlaın formatta tirkelgen. Aldaǵy ýaqytta elimizdiń 20 qalasynda osy is-sharany uıymdastyrýdy qolǵa almaqpyz. Qorytyndylaı kelsek, 60 myńǵa jýyq adam qatysady dep josparlanýda»,–deıdi uıymdastyrýshy, «Rin'Go» tobynyńyń ánshisi Aıan Birbaev.
Jarysqa qyzyqandary sonshalyqty 8 jasar balasyn ertip kelegen ata-analardy da kózimiz shaldy.
«Festıldiń ótetinin keshe ǵana estidik. Qaıta tirkelip úlgerdik. Balammen sportpen aınalysyp júrgendikten oǵan senimdi boldym. 19 ret tartyldy. Bul da jaman kórsetkish emes. Aldaǵy ýaqytta týrnıkke tartylyp jattyǵatyn bolamyz. Ulyma da ózime de búgingi sporttyq shara kóńilimizden shyqty. Bul barsha qala turǵyndaryna sportpen aınalysýdyń qajet ekenin uǵyndyrǵandaı boldy»,–deıdi ata-ana Jasulan Dosqaev.