Balalardyń qaýipsizdigi qamtamasyz etiledi
Qazaqstanda tárbıeshilerdiń júktemesi azaıyp, jalaqysy kóbeıedi. Bul týraly Oqý-aǵartý mınıstri Asqat Aımaǵambetov aıtty, dep habarlady Almaty-akshamy.kz Halyq Uni saıtyna silteme jasap.
Onyń aıtýynsha, balabaqshalardyń qoljetimdiligi men sapasyna basa mán beriledi.
«2-6 jasqa deıingi balalardy mektepke deıingi bilimmen qamtamasyz etý úshin jańa balabaqshalar ashylady. Memlekettik tapsyrysty jekemenshik balabaqshalarǵa berýdi ári qaraı jalǵastyramyz. Memleket basshysynyń tapsyrmasyna sáıkes, tárbıeshilerdiń júktemesi azaıyp, jalaqylary kóbeıtiledi. Tárbıeshilerdiń biliktiligin arttyrý jáne atestattaý jumystary uıymdastyrylady», – dedi mınıstr Úkimet otyrysynda.
Sondaı-aq Asqat Aımaǵambetov balalardyń qaýipsizdigin qamtamasyz etý boıynsha taǵy da qosymsha keshendi sharalar qarastyrylatynyn atap ótti.