Áleýmettik jelidegi tanysynyń shotynan aqsha jymqyrǵan astanalyq qyz anyqtaldy, – dep habarlaıdy almaty-akshamy.kz Polisia.kz-ke silteme jasap.
Polısıaǵa qala turǵyny júginip, onyń shotynan aqsha urlanǵanyn aıtyp aryzdanǵan. Ol áleýmettik jeli arqyly 22 jastaǵy elordalyq qyzben tanysqanyn aıtty. Biraz ýaqyt onlaın hat almasýdan keıin, ol bıkeshti jeke kezdesýge shaqyrǵan. Kafede bastalǵan otyrysty jastar qonaqúıde jalǵastyrǵan. Tańerten er adam uıyqtap jatqan kezde, qaskúnem onyń shotynan 640 myń teńgeni basqa shotqa aýdaryp, bólmeden qashyp ketken.
“Esil” aýdany PB krımınaldyq polısıa qyzmetkerleri jedel-izdestirý is-sharalaryn júrgizý kezinde qyzdy anyqtady. Ol kafede shot tóleý kezinde jigittiń banktik qosymshasyndaǵy qupıa kodty kórip alǵanyn moıyndady. Atalǵan fakti boıynsha qylmystyq is qozǵaldy, qyzdyń elorda aýmaǵynda jasalǵan basqa da osyǵan uqsas qylmystarǵa qatysy bar-joǵy anyqtalady. Astana qalasynyń polısıa departamenti azamattarǵa saq bolýdy, beıtanys adamdarǵa senbeýdi eskertedi.