Sýperkarlar áleminde bárine tanymal ataýlar bar: Bugatti, Ferrari, Pagani, Koenigsegg - osylaı bul tizim jalǵastyrýǵa bolady. Biraq eń qymbat jáne tanymal sýperkarlardan basqa, siz eshqashan estimegen tańǵajaıyp avtomobılder jasaıtyn ondaǵan shaǵyn óndirýshiler bar. Búgin solardyń nazar aýdararlyq 5 az tanymal sýperkar týraly almaty-akshamy.kz jazady.
Sýret: depositphotos.com
Aspark Owl: Japonıadan shyqqan gıperkar
Eger siz planetadaǵy eń jyldam nemese eń qymbat gıperkarlardyń kez kelgen tizimin oqyǵan bolsańyz, Aspark Owl bul tizimde bolýy múmkin. Bul az tanymal sýperkar Japonıadan shyqqan jáne alǵash ret 2017 jyly Aspark Italıadaǵy Manifattura Automobili Torino kompanıasymen kelisim jasasqannan keıin jasalǵan. Eń jaqyn óndiristik prototıp 2019 jyly debút jasady.
Owl tolyǵymen elektrlik jáne tórt elektr qozǵaltqyshynyń kúshi 1,953 at kúshine teń keledi. Orynnan qozǵalǵanda 0-60 mıl/saǵ 1,72 sekýnd ýaqytyna qol jetkizedi. Gıperkardyń óndirisi 2020 jyly bastaldy, jáne kompanıa tutynýshylarǵa árqaısysynyń baǵasy shamamen 3,1 mıllıon dollar turatyn birneshe kólikti jetkizdi.
Sýret: depositphotos.com
Dallara Stradale: Trassadan jolǵa
Dallaranyń tarıhy uzaq. Kompanıa 1972 jyldan beri Formýla 1, IndyCar jáne basqa da ondaǵan serıalar úshin jarys kólikteriniń shasılerin shyǵarady. 2017 jyly Dallara óziniń alǵashqy jol kóligin usyndy: Stradale.
Dallara Stradale jeńil, mınımalısik dızaınymen jáne burynǵy Focus RS-ten shyqqan 2,3 lıtrlik týrbokompressorly tórt sılındrli qozǵaltqyshymen kompanıanyń uzaq tarıhyna negizdelgen. Kólik 395 at kúshin quraıdy. Avtomobıl shamamen 3,3 sekýndty 0-60 mıl/saǵ jyldamdyqty alady. Kúshti Dallara EXP 2021 jyly 493 at kúshimen erekshelendi. Stradale baǵasy shamamen 236 000 dollardan bastalady.
Sýret: Freepik
De Tomaso P72: Órkendeý dáýiri
De Tomaso brendi 1959 jyldan beri bar. Bastapqyda kompanıa Mangusta jáne Pantera sıaqty kólikterdi shyǵardy. 2014 jyly kompanıa basshylyǵy aýysty. Jańa basshylyq P72 dep atalatyn sýperkardy shyǵarý jumysyn tez qolǵa aldy.
De Tomaso P72 konsepsıasy 2019 jyly Gýdvýd jyldamdyq festıvalinde kópshilikti tańqaldyrdy. Ol alty jyldamdyqty mehanıkalyq berilis qorabymen biriktirilgen 700 at kúshine tek. 5,0 lıtrlik Ford V-8 qozǵaltqyshy qoıyldy. P72 óndirisiniń quny 850 000 dollardy quraıdy. Biraq kompanıa qıyndyqtarǵa tap bolyp, ony áli resmı túrde satýǵa qoıǵan joq.
Sýret: Freepik
Picasso 660 LMS: Óner jáne tehnologıa
Pıkasso óner salasy boıynsha keńinen tanymal. Biraq Picasso Automotive ónerdiń múlde basqa túrin jasaıdy. Shveısarıalyq shaǵyn sýperkar óndirýshi 660 at kúshine teń keletin 3,0 lıtrlik qos týrbokompressorly V-6 qozǵaltqyshy bar agressıvti kórinetin sporttyq avtomobıl 660 LMS shyǵardy. 660 LMS salmaǵy nebári 980 keli.
Pıkasso 2022 jyly 660 LMS óndirisin bastady. Bir qyzyǵy avtoóndirýshi kompanıa bar bolǵany 21 birlik shyǵarýdy josparlapty. Alaıda josparlanǵan kóliktiń barlyǵy qurastyrylyp shyqty ma? Ol jaǵy belgisiz. Kompanıanyń 660 LMS kóliginiń bastapqy baǵasyn $875 000 dep bekitti.
Sýret: Freepik
Radford Type 62-2: Klasıka qaıta jańǵyrýda
Redford ataýy 1948 jyldan beri belgili. Ol kezde kompanıa óziniń qaıta óńdelgen Bentley jáne Rolls-Royce kólikterimen tanymal brıtandyq vagon qurastyrýshy boldy. Biraq 1960 jyldardyń aıaǵynan beri asa nazar aýdaratyn kólik shyǵarmaı, tynyshtyqty saqtaǵan Redford 2021 jyly jańa Type 62-2 sporttyq kóligimen avto álemge qyzyǵýshylardyń nazaryn aýdardy.