Áleýmettik jelide tanymaldylyq jaǵynan Dımash toǵyzynshy orynda
Elimizdiń belgili ánshisi Dımash Qudaıbergen áleýmettik jelide tanymaldylyq jaǵynan álem boıynsha 10 ánshiniń qataryna ilikti, dep habarlaıdy Almaty-akshamy.kz QazAqparat saıtyna silteme jasap.
Amerıkanyń NetBase Quid atty táýelsiz zertteý kompanıasy qarasha aıynda áleýmettik jelide attary jıi atalǵan álemge tanymal ánshilerdiń tizimin jasady. Atalǵan uıymnyń zertteýi taldaý jáne ınternet naryǵyn qoldanýshylardyń baǵasyna negizdelip júrgizilgen.
Álemge áıgili ánshilerdiń ishinde Dımash Qudaıbergen tanymaldylyq jaǵynan 9 orynǵa turaqtaǵan. Birinshi orynda amerıkalyq ánshi Teılor Svıft, ekinshi orynda koreıalyq BTS tobynyń múshesi JIN jáne úshinshi orynda ońtústikkoreıalyq ánshi Lisa (Blackpink tobynyń eks-múshesi). Sondaı-aq, ánshiler reıtıńine kópke tanymal Adele, Djastın Bıber jáne Arıana Grande sekildi óner juldyzdary bar.
Eske sala ketsek, qarasha aıynyń basynda Dımash Qudaıbergen Billboard hıt-sherýinde TOP-10 engen edi.