Toǵyzynshy qabattan balalarymen sekirip mert bolǵan áıel óler aldynda hat jazyp ketken
Almaty qalalyq polısıa departamenti tergeýdiń osy kezeńinde úsh balasymen 9-qabattan sekirip ketken áıeldiń áreketiniń aldyn ala sebebi anyqtaldy, dep habarlaıdy Almaty-akshamy.kz QazAqparatqa silteme jasap.
«Bul otbasylyq-turmystyq qarym-qatynas negizinde jubaıymen arada bolǵan janjal. Óler aldynda hat jazyp qaldyrǵan. Basqa mán-jaılar anyqtalýda. İs QR QK-niń 105 babyna sáıkes tergelýde. Tergeý-jedel toby quryldy»,-dep habarlady Almaty qalalyq polısıa departamentiniń baspasóz qyzmeti.
Kýágerlerdiń aıtýynsha, jas ana aldymen balalardy terezeden laqtyryp, artynan ózi sekirip ketken.
Eske salaıyq , búgin «Jetisý» shaǵynaýdanynda kópqabatty úılerdiń biriniń terezesinen 28 jastaǵy áıel men onyń 2015, 2016 jáne 2019 jyly týǵan úsh kishkentaı balasy 9-qabattyń terezesinen sekirip ketti. Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.