Qaladaǵy barlyq 207 mektepte 4 414 beınebaqylaý kamerasy ornatyldy
Bul týraly Almaty qalalyq Polısıa departamentiniń basshysy Qanat Taımerdenov PD konsýltatıvtik-keńesshi organynda ótken jıynda málim etti, dep habarlaıdy Almaty-akshamy.kz Polisia.kz-ke silteme jasap.
«Reseı Federasıasynyń Qazan jáne Perm qalalarynda bolǵan qaıǵyly oqıǵalardy barlyǵy biledi. Balalardyń qaýipsizdigin qamtamasyz etý maqsatynda bilim berý mekemelerinde aldyn alý sharalary kúsheıtildi. Búgingi tańda qaladaǵy barlyq 207 mektepte 4 414 beınebaqylaý kamerasy ornatyldy, onyń 2 620-sy Jedel basqarý ortalyǵyna qosylǵan. Qalǵandary jaqyn arada qosylady. Sonymen qatar, bilim berý uıymdarynda júrgizilgen tekseris, qalanyń barlyq mektepterinde kúzet agenttigine habar beretin dabyl túımeleri ornatylǵanyn jáne jumys istep turǵanyn kórsetti», – dedi Qanat Taımerdenov.
Sondaı-aq, bilim berý mekemeleri dabyl qurylǵylarymen jabdyqtalǵan, olarda daýys zoraıtqysh baılanys júıesi de bar, bilim berý uıymdarynyń ákimshilik ǵımarattaryna kirýdi baqylaý jáne basqarý úshin qondyrǵylar ornatylǵan. Sonymen qatar, 150 mektepke deıingi bilim berý mekemesi beınebaqylaý júıesimen jabdyqtalǵan.
Aqparat kózi Polisia.kz saıtynda: https://polisia.kz/almaty-mektepterindegi-kameralar-politsiyagha-qosyldy/