Almaty qalasy Tótenshe jaǵdaılar departamenti azamattyq qorǵanys basqarmasy shomylý maýsymy kezinde halyq úshin qaýipti oryndardy atady, dep habarlaıdy almaty-akshamy.kz
Almaty qalasynda jáne taý bókterindegi aýdandarda 44 sý aıdyny (ózender, kólder, kanaldar, toǵandar) bar, olardyń 9-y shomylý maýsymy kezinde halyq úshin qaýipti:
1. Shańyrak jáne Darhan shaǵyn aýdandaryndaǵy Úlken Almaty ózeni – Alataý aýdany;
2. Darhan yqsham aýdanyndaǵy Úlken Almaty ózeni – Alataý aýdany
3. Úlken Almaty ózeni (Ál-Farabı-Naýaı) – Bostandyq aýdany;
4. Kemel yqsham aýdanyndaǵy Pervomaıskıe prýdy – Jetisý aýdany;
5. Kishi Almaty ózeni (Býtakovkaǵa burylatyn jerde) – Medeý aýdany;
6. Iýnnatskoe kóli – Medeý aýdany;
7. Aqsaı ózeni – Naýryzbaı aýdany;
8. Áýejaı kóli – Túrksib aýdany;
9. Qarasý ózeniniń salasy (Shestýha) – Túrksib aýdany.
Qalady júrgizilip jatqan profılaktıkalyq is-sharalarǵa qaramastan, shomylý maýsymy bastalǵanǵa deıin Darhan shaǵyn aýdanyndaǵy Úlken Almaty ózeninde oqys oqıǵa oryn aldy.
Jazataıym oqıǵalardy boldyrmaý úshin qarapaıym erejelerdi saqtaý qajet:
- balalardy sýdyń janynda qaraýsyz qaldyrmaý;
- tek jabdyqtalǵan jaǵajaılarda jáne resmı ruqsaty men qutqarý qyzmeti bar shomylýǵa arnalǵan basqa jerlerde shomylý;
- júze almaıtyn bolsańyz, belden joǵary keletin sýǵa túspeý;
- shomylý kezinde bir-birin kózden tasa qylmaý;
- qalqymalar men qorshaý belgilerinen, jaǵadan alys júzbeý;
- qaıyqtardan, kópirlerden jáne aılaqtardan sýǵa sekirmeý;
- túnde shomylýǵa bolmaıdy.
Almaty TJD qala turǵyndary men qonaqtaryna sý aıdyndarynda qaýipsizdik erejelerin saqtaýdy, sondaı-aq tyıym salynǵan jerlerde shomylmaýdy usynady.