Tanymal oryndaýshylar men qazaqstandyq estrada juldyzdary Almatydaǵy óz saılaý ýchaskelerinde daýys berdi. Sonymen, saılaýshylar arasynda Raim, Aıqyn Tólepbergen, Kyle Ruh, KeshÝoı tobynyń eks-solısi Balaýsa Erǵalına jáne basqalary boı kórsetti, dep habarlaıdy aqshamnews.kz.
Atom elektr stansıasyn ( AES) salý máselesi boıynsha referendýmǵa qatysqan ánshi Nursultan Baıǵun Almatynyń Alataý aýdanyndaǵy №176 mektep-gımnazıasynda ornalasqan №508 saılaý ýchaskesine keldi.
«Men eresek urpaqtyń ǵana emes, jastardyń da bul máselege jaýapkershilikpen qaraıtynyna qýanyshtymyn. Óıtkeni, bizdiń bolashaǵymyz osyǵan baılanysty. Bul jaı sózder emes. Qazaqstannyń árbir azamatynyń referendýmǵa qatysýy mańyzdy», - dep atap ótti Nursultan Baıǵun.
Esterińizge sala keteıik, búgin AES salý máselesi boıynsha respýblıkalyq referendým ótýde. Almaty turǵyndary turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.