Almatynyń Áýezov atyndaǵy teatrynyń akterlik quramy basqa qalada gastrólde júrip referendýmǵa daýys berdi
Muhtar Áýezov atyndaǵy Qazaq memlekettik drama teatrynyń qyzmetkerleri, sonyń ishinde akterlik quram, Aqtóbe qalasynda referendýmǵa daýys berdi. Olar gastról kezinde daýys berý úshin Almatyda esepten shyǵarý talondaryn aldyn ala alyp qoıǵan.
Qazaqstannyń eńbek sińirgen qaıratkeri, aktrısa Danagúl Temirsultanova daýys berýge jaýapkershilikpen qarap, ár azamattyń eldiń bolashaǵyn aıqyndaıtyn sheshim qabyldaýdaǵy mańyzdylyǵyn atap ótti.
«Menińshe, árkim osyndaı mańyzdy sheshimge úles qosýy kerek. Bizdiń bolashaǵymyz qazirgi sheshimge baılanysty, bul referendým elimizdiń damý baǵyttaryn anyqtaýdaǵy negizgi qadam», - dedi D. Temirsultanova.
Esterińizge sala keteıik, búgin Qazaqstanda AES salý máselesi boıynsha respýblıkalyq referendým ótkizilip jatyr. Almaty turǵyndary saǵat 20:00-ge deıin saılaý ýchaskelerine baryp, daýys bere alady.