Búgin almatylyqtar AES qurylysyn talqylaıtyn referendýmda belsendi túrde daýys berýde. Saılaý ýchaskelerinen ǵalymdardy, jazýshylardy, akterlerdi, mýzykanttardy jáne elimizdiń basqa da tanymal tulǵalardy kórýge baıqaýǵa bolady. Keıbir ýchaskelerde tipti, kezek paıda bolǵan.
Tanymal tarıhshy jáne qoǵam qaıratkeri Áshirbek Kópishev de syrt qalmaı, referendýmda tóbe kórsetip, daýys berdi.
«Búgin biz osy referendýmǵa qatysý arqyly memleketimizdiń bolashaǵyn sheshýge múmkindik alamyz. Bul elimiz úshin mańyzdy qadam, men qýana daýys berdim», - dedi Áshirbek Kópishev.
Búgingi daýys berýge halyq artısi Asanáli Áshimov, Bıbigúl Tólegenova, Altynbek Qorazbaev jáne tú.b. tanymal tulǵalar qatysty.
Esterińizge sala keteıik, búgin Qazaqstanda respýblıkalyq referendým ótip jatyr, saǵat 14:00-ge deıin 51,77% qazaqstandyq daýys bergen. Almaty turǵyndary 20:00-ge deıin óz saılaý ýchaskelerine kele alady.