Ketı Perrıdiń AQSH-taǵy San-Fransısko qalasynda ótken "Lifetimes" týry kezinde rekvızıtinen aqaý shyqty. Ánshi bıikten tyńdarmandaryna qulap kete jazdady, - dep habarlaıdy aqshamnews.kz tilshisi People-ǵa silteme jasap.
Áleýmettik jelilerde taraǵan vıdeoda Perrı "Roar" ánin oryndap jatqan sát kórsetilgen. Ánshi kóbelek beınesindegi qurylǵynyń ústine minip, áýege kóterilgen. Alaıda qurylǵy kenet isten shyǵyp, Ketı tyńdarmandaryna qaraı qulap kete jazdady. Qurylǵy qısaıyp ketken kezde ol otyrǵyshtan syrǵanap, ándi jarty jolda toqtatýǵa májbúr boldy.
Ánshi tirekke jarmasyp qalýǵa tyrysty. Keıin qolyn kóterip, óziniń din aman ekenin bildirdi de, ánin jalǵastyrdy. Keıin kóbelek qaıtadan qozǵala bastaǵan.