Búgin Qazaqstanda metalýrgıa salasy qyzmetkerleriniń kásibı merekesi atap ótiledi, - dep habarlaıdy aqshamnews.kz tilshisi.
Metalýrg kúni Qazaqstan Prezıdentiniń 2003 jylǵy Jarlyǵymen bekitilgen. Bul mereke jyl saıyn shildeniń úshinshi jeksenbisinde atap ótiledi. Ol - eldiń ónerkásip sektory úshin eń mańyzdy merekelerdiń biri.
Qara metalýrgıa - aýyr ónerkásiptiń negizgi salalarynyń biri. Ekonomıkasy damyǵan memleketterde metalýrgıaǵa aıryqsha mán beriledi. Sebebi shoıyn men bolat óndirisinsiz ǵylymı-tehnıkalyq progresti damytý múmkin emes. Dál osy metalýrgıa - qurylys, mashına jasaý, keme jasaý, ushaq qurastyrý jáne basqa da mańyzdy óndiristik jáne ekonomıkalyq salalar úshin shıkizat pen jumys materıaly.
Sondaı-aq, Qazaqstannyń tústi metalýrgıasy - eldiń eń kóne jáne jetekshi ónerkásip salasy. Onyń damýy elimizdiń asa baı paıdaly qazbalar qoryna negizdelgen jáne Qazaqstannyń búkil óndiristik kesheniniń qalyptasýyna zor yqpal etedi.
Qazaqstan tústi metalýrgıasynyń basty artyqshylyǵy - óziniń mıneraldyq-shıkizat bazasynyń bolýy. El aýmaǵynda tústi metal kenderiniń mol qory bar. Tústi metaldarǵa mys, myrysh, qalaıy, qorǵasyn, mıshák, súrme jáne synap ken oryndary jatady.
Sonymen qatar, baǵaly metaldardy (kúmis, altyn jáne basqa da sırek kezdesetin metaldar – osmıı, paladı, ırıdıı, rodıı) óndirý jáne olardy qaıta óńdeý - Qazaqstannyń altyn-valúta qoryn tolyqtyratyn negizgi kózderdiń biri. Álemde eń joǵary baǵalanatyn osy qymbat metal óndirisine el barynsha kúsh jumsap otyr.