Almaty-2 vokzalynda poıyz tóbesine shyqqan jasóspirimdi toq soqty, - dep habarlaıdy aqshamnews.kz tilshisi.
Oqıǵa 19 shildede saǵat 18:55-te Almaty-2 stansıasynda bolǵan. Stansıa kezekshisi 15 jastaǵy jasóspirimniń vagonnyń tóbesine ruqsatsyz shyqqanyn tirkegen.
"Nátıjesinde ony elektr toǵy soǵyp, kúıik jaraqatyn aldy. Oqıǵa ornyna jedel túrde jedel járdem brıgadasy jetti. Jasóspirim tiri, oǵan medısınalyq kómek kórsetildi", – dep habarlady "QTJ" kompanıasy.
Mamandar temirjol asa qaýipti aımaq ekenin eske salady. Jolǵa ruqsatsyz shyǵý nemese jyljymaly quram mańynda qaýipsizdik erejelerin elemeý adam ómiri men densaýlyǵyna aýyr zardap ákelýi múmkin.
Qazir bul oqıǵa boıynsha qyzmettik tekseris júrgizilip jatyr.