Memlekettik syılyqtyń laýreaty, Qazaqstannyń Eńbek Eri Iýrıı Pomeransev 100 jasqa qaraǵan shaǵynda dúnıeden ozdy
Kórermenge «Bizdiń súıikti dáriger» fılmindegi róli arqyly etene tanys akter Iýrıı Pomeransev ómirden ótti, dep habarlaıdy Almaty-akshamy.kz QazAqparatqa silteme jasap.
Memlekettik syılyqtyń laýreaty, Qazaqstannyń Eńbek Eri Iýrıı Pomeransev 100 jasqa qaraǵan shaǵynda dúnıeden ozdy.
Iýrıı Pomeransev 1923 jyly 11 aqpanda Ýkraınanyń Kıev qalasynda týǵan. Keıinnen onyń otbasy Qaraǵandyǵa qonys aýdardy. Ákesiniń qazasynan keıin anasymen birge Máskeýge kóship, maıdanǵa attandy.
Aýyr jaralanǵannan keıin 1943 jyly Iýrıı Borısovıch Almatyǵa keledi. Óner joly Almatyda bastaldy. Akter teatr jáne kınoda ondaǵan rólderdi somdady. Kórermenge Sháken Aımanovtyń «Bizdiń súıikti dáriger» fılmindegi bas keıipker Anatolıı Lavrovtyń róli arqyly tanys. Ol 300-den asa keıipkerdiń beınesin somdady. Muhtar Áýezovtiń «Abaı joly» romany boıynsha 1968 jyly qoıylǵan Abaı dramasyndaǵy basty rólderdiń birin somdady.
2018 jyldyń mamyrda Iýrıı Pomeransevke «Qazaqstannyń Eńbek Eri» ataǵy berildi. Sol jyly Reseıdiń «Dostyq» ordenin de ıelendi.