Kóktaıǵaqqa qarsy materıaldar sebilýde
23 naýryz kúni saǵat 02:00-den bastap Almaty qalasynda jaýyn-shashyn bastaldy. Tańǵy saǵat 5-ten bastap qar aralas jańbyr jaýa bastady. Saǵat 12:00-degi jaǵdaı boıynsha qalada 2 sm, taý bókterindegi aýdandarda – 8-10 sm, taýly aýdandarda – 10-15 sm qar jaýdy, dep habarlaıdy Almaty-akshamy.kz.
Kóktaıǵaqtyń aldyn alý maqsatynda joldarǵa kóktaıǵaqqa qarsy materıaldar sebilýde. Oǵan 376 tonna paıdalanyldy.
Komýnaldyq qyzmetter trotýarlardy, jaıaý júrginshiler aımaqtaryn, qoǵamdyq kólik aıaldamalaryn, jalpy paıdalaný oryndaryn kúsheıtilgen rejımde tazalaý ústinde. Qalanyń joǵarǵy bóliginde qardy jınalyp tazalanýda.
987 jol jumysshysy, 412 arnaıy tehnıka, 111 qumshashqysh tehnıka jumyldyrylǵan. Aýdandyq ákimdikter men merdiger uıymdarda qar tazalaý jumystaryn baqylaý boıynsha táýlik boıy kezekshilik uıymdastyryldy.
«Qazgıdromettiń» boljamyna sáıkes, jaýyn-shashyn búgin kúndiz de jalǵasady, keı ýaqytta qatty, negizinen qar túrinde jaýady, túnde qalypty qar jaýady. Aýa temperatýrasy kúndiz 0-den 2 gradýsqa deıin plús belgisimen, túnde 1-den 3 gradýsqa deıin mınýs belgisimen bolady. 24 naýryzda kúndiz, sondaı-aq 25 jáne 26 naýryzda jaýyn-shashyn kútilmeıdi.