Áleýmettik máseleler jónindegi vıse-premer Tamara Dúısenova "QazUÝ-dyń pák qyzdar tizimin" jarıalaýǵa kináliler jaýapqa tartylatynyn aıtty, dep habarlaıdy almaty-akshamy.kz Ulysmedia.kz. silteme jasap.
Tamara Dúısenovanyń aıtýynsha, stýdentterdiń derbes derekteri taraǵannan keıin ýnıversıtette úlken qyzmettik tergeý júrgizilip, materıaldar ishki ister mınıstrligine joldanǵan.
– Qylmystyq is boıynsha tergeý áli aıaqtalǵan joq. Ol aıaqtalǵannan keıin qatysy bar adamdardyń bárine tıisti shara qabyldanady. Bul tizimdi bergen emhanaǵa da, ýnıversıtettiń ózine de qatysty bolady. Aqparattyq qaýipsizdik máseleleri bar. Bir-birine aqparat berý máselesi kóp bolsa da, qupıalylyq boıynsha sharalar qajet, - deıdi Dúısenova.
QazUÝ rektory Janseıit Túımebaev qyzmetten ketýi kerek pe degen saýalǵa Dúısenova bul suraqqa ázirge jaýap berýge erte ekenin aıtyp, tergeý qorytyndysyn kútýdi ótindi.
Aqpan aıynyń ortasynda Qazaqstanda "QazUÝ qyzdarynyń tizimi" ashyq jarıalanyp, janjal týǵan edi. WhatsApp-ta 190 adamnan turatyn starostalar toby stýdentterdiń tizimi bar tórt qujatty tastaǵany belgili boldy (1-4 kýrs). Qyzdardyń aty-jóninen basqa, olardyń JSN, uıaly nómirleri jáne vırgo (stýdentterdiń páktigi) týraly medısınalyq málimetter tarap ketken.
Oqıǵaǵa Prezıdent ákimshiligi nazar aýdardy. Bas prokýratýra 3 jyldan 7 jylǵa deıin bas bostandyǵynan aıyrýdy kózdeıtin bap boıynsha qylmystyq is qozǵady.