2024 jylǵy 24 qańtarda Estonıa astanasy Tallınde Qazaqstan tarapynan Kólik mınıstri M.Qarabaevtyń jáne Estonıa tarapynan Syrtqy ister mınıstri M.Sahknanyń tóraǵalyǵymen Ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Estonıa Úkimetaralyq komısıasynyń 7-shi otyrysy ótti.
İs-sharaǵa Qazaqstannan memlekettik organdar, ulttyq kompanıalar men bıznesten 50-ge jýyq delegat qatysty, dep habarlaıdy aqshamnews.kz Kólik mınıstrligine silteme jasap.
Taraptar saýda-ekonomıkalyq yntymaqtastyq, kólik jáne logıstıka, aýyl sharýashylyǵy, sıfrlandyrý, sondaı-aq bilim berý salasyndaǵy ekijaqty ózara is-qımyldyń negizgi baǵyttaryn talqylady.
Otyrys aıasynda Estonıa ınfraqurylym mınıstri V. Svetpen ekijaqty kezdesý ótkizildi. Tranzıttik múmkindikterdi keńeıtýge jáne Qazaqstan men Estonıa arasyndaǵy, onyń ishinde, teńiz porttary arqyly logıstıkalyq baılanystardy jaqsartýǵa erekshe nazar aýdaryldy.
Sondaı-aq, Kólik mınıstri birqatar estonıalyq Eesti Raudtee, Muuga Grain Terminal, Skinnest Groupp sıaqty iri kompanıalarynyń, sondaı-aq Sillamae jáne Tallın porttarynyń basshylarymen ekijaqty kezdesýler ótkizdi. Kezdesýlerdiń qorytyndysy boıynsha Estondyq bıznespen damýdyń perspektıvalyq baǵyttary aıqyndaldy.
Otyrys qorytyndysy boıynsha kólik-logıstıka salasyndaǵy birlesken jobalardy iske asyrý jónindegi naqty qadamdardy, sondaı-aq ekonomıkadaǵy, sıfrlandyrýdaǵy, bilim berýdegi jáne basqa da salalardaǵy ózara is-qımyldy nyǵaıtý jónindegi ýaǵdalastyqtardy qamtıtyn Hattamaǵa qol qoıyldy.
Komısıanyń kelesi otyrysyn 2026 jyly Astana qalasynda ótkizý josparlanýda.